Алатау ауданының психологиялық-педагогикалық түзеу кабинетінің қызметінің жалпы тұжырымдамасы көмекті ұйымдастырудың мынадай қағидаттарын көздейді:
- 0-18 жас аралығындағы ерекше оқытуды қажет ететін балалар мен жасөспірімдердің барлық санаттарына педагогикалық түзету көмегін көрсету;
- ерекше оқытуды қажет ететін балалар мен жасөспірімдерге түзету көмегін көрсетуге кешенді көзқарас;
- түзету-педагогикалық көмек процесін шектік дараландыру;
- ата-аналарды түзету-дамыту процесіне тарту;
- балалардың психофизикалық дамуы мәселелері бойынша әдістемелік көмек көрсету және басшылық ету.
Балаларды ППТК-ға жіберу және қабылдау ата-аналарының (заңды өкілдерінің) келісімімен Педагогикалық-медициналық-психологиялық кеңестің (ПМПК-ның) қорытындысы бойынша жүзеге асырылады. ПМПК-ға arkomek.bilimalmaty.kz сайты арқылы жазылады.
Балаларды ППТК-ға қабылдау жылына екі рет жүргізіледі.
ПМПК қорытындысы негізінде ППТК психологиялық-педагогикалық түзету көмегін көрсетеді:
- есту қабілетінде бұзылыстары бар;
- сөйлеу тілінде бұзылыстары бар;
- тірек-қозғалыс аппаратында бұзылыстары бар;
- зерде бұзылыстары бар;
- сөйлеу тілінің дамуы тежелген;
- психикалық дамуы тежелген;
- эмоциялық-ерік аясында және мінез-құлқында бұзылыстары бар.
Жеке және топтық түзету сабақтарын мына мамандар өткізеді:
- Мұғалім-логопед
- Мұғалім-дефектолог
- Педагог-психолог
- Емдік дене шынықтыру нұсқаушысы
Басты мекеме мекен-жайы: Алатау ауданы, Федченко көшесі, 2б
ППТК байланыс нөмірі: 399-97-39
